Board logo

标题: [讨论] [转贴]<妙手仁心>香港重播期間觀衆雜感 [打印本页]
作者: Felin    时间: 2007-8-18 08:05 PM     标题: [转贴]<妙手仁心>香港重播期間觀衆雜感

此贴整理者为 林保怡官方论坛的jump00 此贴中评论来自“香港讨论区”论坛 由于我这里暂时无法打开HK讨论区的链接，所以这里直接贴了bowie论坛上比较早些天的回复，如果有兴趣的同学可以自己去链接看看HK讨论区，我如果可以进去了会即时更新有价值的回复给大家看^_^
没有几天就是九周年，这个时候TVB重播妙手，外面怎样的激动和喧嚣似乎都已经无所谓了，我们在这里静静等待，分享重播的幸福就足够。
以下是bowie论坛原帖（有关2，3部分我选择性删除）：

深夜重播時段縂是能掀起話題的時段，
翻看了一下<妙手仁心>重播期間的觀感，
發現還蠻多的。揀了一些稍完整字數稍長D貼下。

妙手仁心
作者：kelchu　7月21日

對於其他人來講妙手仁心可能只係一輯電视劇, 但晚上重播嘅「妙手仁心」就帶給我一幕一幕嘅回憶...
Gibert...穌永康嘅結局...一個未完嘅結局...與我一起離開了香港...還記得我還追到可行嘅最後一集...未能唯忘...Gibert那時還未死...
不想獨自快樂...把我帶到希臘一個向日葵花田旁的電話亭...令我明白到自己想要怎漾...
  
匆忙間, 五日內我由希臘Santorini -à Athen-à London-àNewcastle-àAmsterdam-à Hong Kong
找到我嘅答案...知道自己想要什麼...直到現在未能忘記.
多年啦,妙手仁心嘅重播...令我再三回味一段又一段的回憶及一份親切感.


妙手仁心
週三, 七月 25. 2007 Luke Chu

金牌監製鄧特希的寶藏是無線收視的保證，
壹號皇庭和妙手仁心系列都是百看不厭的作品。
剛在午夜場重新播放的妙手仁心，好像為現在香港一眾醫生打打氣。
人誰無錯，本來錯誤就是造就成功的本錢，但是醫療郤是另一個層面；
牽涉的就是人的生命，小小失誤就會奪去性命，
而且，最近香港的醫療失誤實在又太多、太頻密了。
是沙士後，更加令人感覺亮起警號！

妙手仁心
作者：Wayne Wayne~~ 　7月28日

近來愛上半夜既一套無線舊劇, 妙手仁心.
如果係屋企既話, 就一定要睇完先訓~
好多人問, 如果中意睇不如買返套vcd/dvd 返來睇啦....
我就覺得半夜追劇, 同得閒煲碟既感覺好唔同, 特別係半夜既劇.
可能半夜既時候, 個人relax d, 感性d, 睇既野係唔同左掛...

妙手仁心，用手写我心。
作者：huahualiang　8月1日

近排翡翠台深夜又开始重播妙手仁心了。好乔，就系重播前两星期，我无拉拉抽起条筋走去买左老翻。记得首播应该系98年既秋天，果时我刚好去左一挞好陌生既地方，有如孤儿般，每日过住一些如梦如幻既日子。内心一直系度挣扎紧该不该放手，又或者系重新选择，情感上的折磨令到自己成个人都好DOWN。
  
而为左追呢出剧，我就晚晚都返屋企，宁愿第二朝一早爬起身，赶系八点前回到学校上课。无可否认，某些事，我好理性，但其实越理性，内心会更感性。人，真系有时候可以口不对心。做既同谂既系完全唔一样！
  
其实几LIKE戏中的角色，大家果种心照不宣的感觉，唔使样样野都讲到明，系靠感觉去行事。偶然间的放纵，于巨地来讲，应该系放松。都市人的压力太大，都需要释放。
  
套戏好感人的，今日翻煲既时候，都会流泪。ANNE话，太感性的人唔可以做律师，所以巨会同PUAL系一齐ONE NIGHT SANTY。但其实个中究竟两个人有无钟意过对方，不得而知。如果你开始CARE一个人既谂法，或对自己既睇法，或者，呢个人就系不经不觉间走入左你个心。
  
男人会唔会为左巨钟意既女人改变？又有多少人，做过几多唔系自己意愿既事。我谂，如果会令心跳加速既事，唔多适合我，或者，我心脏承受能力唔够强啦。
  
朋友，有时候一个眼神就够，而恋人，你希望巨会有所行动，有所表示，如果无所行动，又无所表示，起码都要讲下，女人都系用耳来听，而男人就系靠把口来哄。一男一女，就算几亲密的朋友，都系从最初的普通朋友发展而来的。如果想要维系一段感情，相信，要俾好多心机先得。又或者偶然间的浪漫，不经意的感动。女人，水造的，就算泪流干了，依然个心都是软的。如果真的硬下心肠，说明那个巨，就唔系你果杯茶了。
  
仁心，两个人的心，双心，希望只系双心而唔系伤心啦。
  
原来，红酒也能醉人，哈，下次一定会好好买支红酒慰劳一下自己，或者，睇心情啊，可能会请你饮，与我共聚？共醉？共舞？然后……当然，前提最好有扎花放系床头。

Healing Hands
作者：victor-o　2007/07/31 12:40:03

近期深夜重播的 <妙手仁心> 曾經為城中一時熱話﹐在經過9年後﹐依然吸引。

但更多的﹐是以下的嘆息:

(1) 為何一齣水準如此高的劇集﹐它的第二﹐三輯水準會如此大跌?
      三個字﹐鄧特希!
      從  <皇庭> 到 <妙手>﹐鄧特希一直拍出香港中產人士的一種情懷。他把香港人變得型了﹐更甚是把 TVB一向流水作業的電視劇變得有格調了。有人會認為他只是把西方電視劇加上日劇配音重新包裝﹐並沒有任何突出之處。但請細看吳啟華﹐林保怡等人在鄧特希之下的活靈活現﹐和其後兩齣的死氣沉沉﹐鄧特希的價值由此可見。而且﹐除了鄧特希外﹐我真想不到還有誰可在香港電視劇集中拍出如此中產的感覺。不太高雅﹐但有格調﹐而且像一杯冷開水﹐讓你心曠神怡﹐舒服地享受一小時的劇集。

(2) 蘇永康
      沒有必要去提他的過去。要說的是﹐他的戲還不賴﹐歌更是實力派的表表者。再看現在 的所謂歌星﹐對不起﹐是兩碼子的事。明星的形象真的很重要﹐但反正那些所謂 “乖乖仔/女” 也只是包裝下的成品﹐我更寧願去聽一個形象很差﹐但讓我耳朵享受的一位歌手。我一向不喜歡金牌旗下的歌手﹐但 Paco,  真的不要浪費了蘇永康。

不想 獨自 快樂
作者：唔型組　2007/08/01 01:03:31

    小弟一向有收看TVB午夜十二點時段的重播電視劇的習慣, 因為工作及生活習慣關係, 黃金時段的新劇我通常都追唔到, 唯有舊劇當新劇睇吧, 反正十二點後先係我嘅黃金時間。

    至於今期翻播嘅係《妙手仁心》 , 基本上對於我呢啲猫頭鷹嚟講,《妙手仁心》及《壹號皇庭》系列, 都已經睇過無數次, 所以我想推介嘅並唔係呢套劇, 而係佢嘅插曲《不想獨自快樂》。

    我好喜歡聽歌, 但會選為好歌的可謂少之又少, 因為我覺得一首好歌, 首要條件梗係要有吸引人嘅旋律, 之後就係我最著重嘅部份 - 歌詞, 我喜歡咀嚼歌詞, 要寫得出一手有意思而又秀麗的詞, 首選非黃霑及林夕莫屬, 相信唔駛我多講啦; 比較新派的有Wyman, 用詞刁鑽, 但就有點兒通俗。而《不想獨自快樂》則是出自才女梁芷珊 ,  我對她的作品認識不多, 但她處理這首歌的用詞瀟灑淒美, 都是吸引我的原素,「我只孤單一個過活 望向天邊多遼闊 我放任自負 懶理會某君不喜歡」是我最喜歡的一段。至於主唱蘇永康, 無可否認- 佢很醜  但佢很靚聲 , 我本人也頗喜歡他那略帶Jazz味的歌聲, 不過對於新一代嚟講可能比較老了一點點哩!

    每次重播這套劇都會令我重新愛上這首歌, 所以話一首好歌真係可以歷久常新。

相信有報應嗎?
作者：Sharon 2007/08/01 01:42:48

最近無線在重播 < 妙手仁心 >, 難得重溫很久沒有拍電視劇的張家輝的演技, 還有當時還在音樂界拼搏的李惠敏。

今晚這一集的劇情講述一個男人被一個瘋子斬傷, 而這個男人之前牽涉到姦殺一個剛剛換腎不久的女孩子, 而這個女孩子則是醫生程至美的朋友, 最後這個男的因為證據不足而無罪釋放, 而他更用囂張的態度挑釁程至美, 問他是否相信這個世界有報應?  他的無罪釋放當然令警察和醫生們都深深不忿, 後來經過了一段日子, 這個男人被瘋子斬傷, 再次送進這一家醫院, 就是因為這個世界有報應, 所以理所當然地他是活不下來 !  跟著程至美去探望那個斬傷他的瘋子, 還向他說了一句：「 Well Done !」 瘋子驚訝之餘, 也真的讓人看得大快人心。

你相信有報應嗎? 很多時候我們都會被傷害, 被傷害的時候我們都會深深不忿, 為什麼那個人要這樣對我? 我做錯了什麼嗎?  又或是, 我們在報章上看到很多令人髮指的事, 其實這個世界每天都有這些令人氣憤難平的事在上演著, 然而, 我還是相信報應這回事 !  

又哭了！
作者：lamscbonnie 2007/08/01 11:41:34

昨天晚上深夜時分依然繼續收看電視重播的劇集「妙手仁心」，仍是叫我回味無窮，不論我看了不止一次。不過，忽然間我發現自己兩眼充滿淚水．．．

有時候我真會懷疑自己從小到大眼淚腺是比正常人定高出了多陪，否則的話我不會這麼容易便哭的。劇裡提到深切治療部，令我又再次想起爸爸，他在生時，有好幾次都進了深切治療部，我們每個都很擔心，但幸好過後都可以渡過．．．。

晚上睡覺時，眼淚仍不斷地流，我想，我又要去探探爸爸，跟他說說話了。

妙手仁心
作者： Lala  2007/08/01 23:25:34 Lala

好耐冇追電視劇的意欲
難得我連午夜場都肯睇
第一集永遠最好
第二集已經換晒人變晒質
不過原來蔡少芬曾經同吳啟華講
「唔知點解你d病人，俾你救返之後，最後又因為其他原因死左」
下？咁咪即係講緊佢自己？
導演一早就為第二集蔡少芬既死埋下伏線？
呢2日睇完電視明明已經好夜
居然失眠
搞錯呀

妙手仁心
作者：我的天空 2007/08/02 02:00:54

近日三色台又重播 "妙手仁心" .....
居然每晚都有追看的衝動 ....
無可否認, 這套劇真是不可多得的作品 ~~
雖然很多人說它是抄 ER 的, 但莫非香港不能有本地的 ER 嗎 ?? 反而我覺得 ER比較著重醫院裡的情節, 而"妙手仁心"則比較多個人及內心描寫...
這套劇可說是編, 導, 演俱佳之作....  就不用計較誰抄誰的....
反正世界大都會的風氣, 世情又有那處不同 ~~
在劇裡必然可以找到你我他的影子...
雖然這是差不多十年前的劇...
但劇中的你我他在十年後.... 於處事, 人性和感情上又多大的分別 ...
而我們面對的事情不也是大同小異 ??!!!
不是工作, 就是感情....
不是工作上的矛盾, 就是感情上的困擾....
我們遇到的事情, 不會每一件都順心如意的...  總有叫人徬徨的....
問題是當事人怎樣去面對和選擇吧了....
人一定要知道自己是為什麼而活, 只要你找到那個因子, 你就沒有白活....
那個因子因人而異, 可以是愛情, 金錢, 權力, ....
最重要是找到那個因子便成, 不用介意那是什麼 ~~~
而且亦不應太多顧慮, 自己想做的就去做吧....
成功也好, 失敗也好, 一點都不重要....
重要的是做了想做的事, 成敗得失很多時不是由你我來決定的....
到了人生完結時..... 一切都灰飛湮滅 ....
活著只是一個經歷, 我們沒什麼可以帶走, 實在也沒什麼可以留下....
決不應有什麼事情是因為沒勇氣去做而令自己遺憾 / 遺恨的....
或是妄執於一些事, 一些情 ~~  把自己困於籠牢之內...
要明白經歷過已是你我活著的得著 ~~
說到底, 每個人也是為自己而活....
只有你能擁有自己的經歷和回憶, 那才是活著的証明 ~~~
最後隨你我的離去而消失在宇宙星塵之間 ....
我們要珍惜和享受的只是這個過程...
當中的愛恨, 得失, 成敗.... 都只不過是過程中的點綴吧了 !!!!

妙手仁心VCD
作者：susan  2007/08/07 19:03:11

今日勁開心,因為我買咗妙手仁心隻VCD呀!




入面係咁的,都幾靓!




妙手仁心
作者：小 6  2007/08/09 11:40:26

晚上追看重播的「妙手仁心」，超人證實了一件事：電視劇新不如舊，不是超人的心理作用。

「妙手」應該是十年前的電視劇了，今天再看，蔡少芬、陳芷菁、梁婉靜的化妝都顥得有點老土，不過，劇情依然精彩。

主要演員全都交足功課。像林保怡，他其實一點也不帥，但扮演風流成性的SMO Henry，竟然很有說服力；像張家輝，當大家仍然回味他在「天地豪情」中演喪盡天良的Kelvin時說的那句「家咩姐啫？我姓甘?嘛！」之際，他在「妙手」中扮演正直傻氣的警察張創業竟然又很出色；還有很陽光的阿Joe馬浚偉、同姓戀的阿Gil蘇永康和「十三點」的Judy湯盈盈等等，每位都演得很好。

近十年較人印象深刻的劇集實在不多，「阿旺」算是喜劇中較為出色的，不過跟很多東西一樣，原創的教人讚賞，續集則有點失色了，不過還算可以；

另外「男親女愛」和「棟篤神探」也是佳作，尤其是前者，處境喜劇之中可算是上上之品，子華的確有其本事；
「金枝慾孽」是有心有力之作，演員演得好，宮闈鬥爭的故事亦有追看性；
「賭場風雲」和「溏心風暴」也不俗，不過前者後半部的恩怨情仇好像誇張了一點，後者前半部一家人嘻嘻哈哈則比較「揼波鐘」。
至於「創世紀」、「妙手」II、III、「火無黃沙」和現在播映的「歲月風雲」等，則有點「雷聲大、雨點小」。
還是深夜捧「妙手仁心」的場好了。

妙手仁心
作者：風風 2007/08/09 23:31:56

最近晚上重播 "妙手仁心" 真係好正, 劇情好睇, 演員又有黙契, d 對白可以令人回心微笑 (仲要係想一想先笑果種), 令我真係好想晚晚都可以追看, 只可惜要返工的日子真係有少少難度, 如果晚晚睇完成點幾先睡, 我一定可以做隻熊貓了。不過話時話, 我近呢兩年都好早睡,  可能返工返得早又無乜野做, 咪做d 睡囉, 其實都好, 早睡早起身體好。

其實做左三輯 "妙手仁心" 都係呢一輯最好睇, 唔單止d 演員做得好, 劇情可以仲更加好, 啟發人想想對生命的態度, 好似話當年d 演員仲去醫院度學過下d 最基本的 "做樣" 醫學知識, 起碼可以講得兩下, 都算認真。唔係話之後果兩集唔好睇, 但係就係差左少少, 感情線多得滯, 主旨無左, 新人太多, 總之就係好似欠左什麼似的。

睇左兩晚妙手仁心宊然令我覺得蘇永康當年主唱的插曲 "不想獨自快樂" 其實都好好聽, 真係聽多幾次都厭, 雖然我唔係蘇永康 fan, 對佢無乜好感, 但係劇情真係太好睇, 阿 Gil 咁就死第二輯無左佢份真係套劇的損失呀!

逃與妙手仁心
作者：樂天世界  2007/08/10 20:52:44樂天世界

<逃>第二季終於播完,劇情的張力欠缺了第一季的這麼強,似乎是沒有了追看的動力,但最終也追完了.據聞還會開拍第三季,雖然對這季的劇情有點失望,若然真的有第三季,我想我到時還是會追看的.

相比之下,<妙手仁心>的確好看得多.印象中是首次重播,大部份的劇情卻依舊記憶猶新.劇中主角每個也有鮮明的性格,選角的人更應記一功,每一個都演釋得恰如其份,誰也搶不了誰的戲.劇中的對白對我來說有點特別,挺值得咀嚼細味.記得當年我還買了同劇的原裝小說及原聲大碟,大碟裏每首歌至今仍然耐聽;至於小說,已送給了一位外國朋友,再也買不到了.

想當年,亦因為這套劇,令我十分享往幾個大男孩住在同一屋簷下的感覺.有空可以互相分享心事,摸摸酒杯底,吹吹水.也十分羨慕劇中人物那種生活模式,很優皮寫意,很能舒緩平時他們十分專業認真的工作.當然劇集是虛構,現實生活卻又是另一回事.

繼後的<妙手仁心2和3>跟<逃2>的命運也是一樣,沒有首齣這麼好看.不過這也難怪,這些續集不及首播的例子比比皆是.但何解呢有誰可以告訴我
作者: Felin    时间: 2007-8-25 01:51 PM

妙手仁心

chan_tai_man9 Blog 2007/08/24 14:07:01


之前講過壹號皇廷,今日都要寫下妙手仁心.講風格,仁心同皇廷都係圍繞專業人事發生的事,仁心竟更專業.做0西資料搜集...d救人情境,專業字眼用到足,好真實.個包裝好pro.當中加插一堆情感關係...套戲觀感,同丁偉傑先生(體育記者)差吾多.劇情吾會沉重.不是恩怨情仇,爭產...你睇完會舒服.雖然小左好多賤對白.但一班男人走埋一齊都令你會會心微笑.好似昨晚經典一幕,蔡少芬同吳啟華一齊行,蔡想拖吳隻手,但點都拖吾到.搞到蔡嬲爆爆果段真係.....監製鄧特希走左,2-3感覺吾同0西,無0西優皮味道.....

真係好希望再睇到依d0甘有味道的劇集.電視台呀!!!你俾d好野睇下啦,吾好等我部電視只係打機睇波啦.....編劇們努力呀!!

信心、勇氣、蔡少芬

antking00 2007/08/24 02:43:39

呢排工作比較忙，少o左時間寫 blog；湊巧今晚早少少放工，回家看看電視劇，播出的是「妙手仁心」，呢集又有我很欣賞的女星蔡少芬，講到佢患上不治之症．．．．．．．．．．

坦白講，我以前唔係好喜歡佢，佢選港姐得奬後，誹聞不少，詳細的我也不想談。後來，我漸漸欣賞佢，唔單止係因為發覺佢都幾靚，最重要係知道佢係面對危難、誘惑時，選擇了依靠神，並將重擔交托神。一個公眾人物，願意放下自己的高傲，向公眾的說出自己的問題，相信好少好少人可以做得到。最近無線的「向世界出發」其中一輯訪問佢，佢亦公開咁向觀眾剖白自己內心世界。呢幾年，佢亦有參與福音電影的演出，令我更加欣賞佢！

http://www.media.org.hk/products/themiraclebox/
http://jade.tvb.com/special/on_the_road/03/index.html

問心，我一定做唔到。佢做得到，相信係佢對神的信心，神賜予佢勇氣！

我相信每個人一生中，都要面對困境、迷失的時候；有些情況下，我們可以選擇出路，有些時我們卻冇得選擇。無論面對咩困境，但願我們都懂得依靠神，因為神都會看顧我們，帶領我們走出眼前的困境，引領我們走佢的義路。

願神都賜我們如蔡少芬一般的信心及勇氣！

「不要怕，只要信」(路 8:50）

PS: 上圖是蔡少芬演出紀念在沙士期間捐軀的謝婉雯醫生的福音電影「天作之盒」的一幕；其主題曲「愛是不保留」更是街知巷聞。看這篇 blog 的同時，希望大家亦記念謝婉雯醫生(http://www.joannatse.com/)，同所有為抵抗沙士而捐軀的醫務人員，以及佢地的家人。願神的愛及憐憫常與他們同在！(http://www.youtube.com/watch?v=pRUmrGADzgk)

辣酒人心?!

智煒 2007/08/24 02:09:37

之前有套搞笑連續劇...[高朋滿座]...成日都將[妙手仁心]改做[辣酒人心],有時睇見Ｄ人扮醫生都好好笑....其實,做醫生邊度有咁多時間飲紅酒食西餐吖....有時間都去開OT,又或者去抗議la.....(我估...)

但係我想講係[妙手仁心]裏面D情情塔塔野....有一幕我覺得好經典...就係jackie同阿paul食完飯穿過隧道...jackie想捉實paul隻手...但捉黎捉去都捉吾到....最後阿paul都仲係牛皮燈籠過下...就最抵死....

吾知點解次次無綫播[妙手]我吾會集集睇...但係每次都會睇到呢集....

點解我覺得呢幕最經典呀?!吾知呢,可能係男仔追女仔多....但係女仔追男仔少見掛....同埋蔡少芬好靚女....

不過我吾鐘意個結局......

妙手仁心 第27集

阿莉 2007/08/25 01:28:18

點解我最鍾意既henry同annie... 呢三晚都只係出一頭同一尾？  

annie... 雖然佢同henry都接近係同類既人，但對真心o個個，真係仲可以咁高EQ？  

henry... 今晚講左一句：只要佢仲有呼吸就得啦...
唏... 聽到好心酸... 我覺得佢跟本唔知點面對annie...   

last scene係兩個人終於在街角遇見... （好緊張... 因為我真係唔記得哂劇情！）

不過... 要等多兩晚先再有得睇...


「早操」

George 2007/08/24 21:14:23

早上的頭腦體操是也。

最近每晚都看一小段《妙手仁心》，仍喜歡看鄧特希的劇集，部分原因是劇中人物都是我心中理想的「大人」：專業、收入穩定、頭腦清晰、善於表達，不矯揉造作，樂觀積極，處理問題有技巧，顧人感受之餘亦不會過份難為自己。現實中，反而較少遇上這種人，同事、朋友之間也大概是十中有四吧。

近八九年都沒看這種劇，再看看，咦，十年過去，我和這種「大人」好像仍屬不近不遠的距離。我的腦筋不算特別好，自少就聽說智能是不能增長的，知識還可靠勤力去累積，轉得慢，又想自己轉得到，唯有花多些時間去轉吧...口頭應對我麻麻，那「筆鋒」還是可以撿回點「時差」吧？

不喜歡過激的行動，示威、絕食、賴死不走去保護皇后碼頭，我絕對不會做。可是其核心思想其實不離"is" is not equal to "ought to be"，實然不等於應然吧？於是公民抗命是可以接受的，守法是公民契約和義務，僅當(only if)我們遇上合理的法。究其終極，還是要先假定人是理性的。不計後現代思潮，整個文藝復興就是要重提自希臘時代起出現的這種人本價值。

於是，有個時期總會覺得人不講理性，不如不把「牠」當人處理好了...當然，後來明白到理性的局限，也接受感性的重要，應該說，接受平衡發展的重要。

回說「實然不等於應然」，社會上的習俗(norms)，由於是「應運而生」，配合特定時空特定族群而生的，所以沒有必然性。從前的習俗是女孩子無才是德，男主外，一直相安無事，可是不代表永遠相安無事，始終還是被革走了。有人說傳統價值都流失了，變得無規無距「不似樣」，不知跟哪一套好？我會提醒你，上一段已經留下伏筆，對，就跟你的理性走就成了！

可是，又有人擔心：當我跟我先知式的理性去行的時候，我很辛苦。例如，我不怕世俗眼光(←這也源於norms)，表明自己不支持為美而減肥，我理性上做對了，但是整個社會還是有無形壓力給我，「人人都話肥唔靚啦...你唔減係因為你懶」等等難聽說話，再進一步想，當年哥伯尼就這樣被教會逼死了嘛，我很怕，不想被逼死。

放心，先知總有一陣子(或一輩子)的孤獨，但請你仍有「雖千萬人吾往矣」的決心，社會進步，全賴有你。我從心底祝福、支持這類人，也希望世界上這種人的比例越來越多，去到十中有八。

人類，是可以進步的！我選擇相信人可自救，多於等外力他救。

妙手仁心

家姐 2007/08/24 13:30:10

近來很晚才睡, 為的只是重看妙手仁心

睇翻 Paul 同 Jacky 點樣開始. . .

睇翻 Henry 同 Anne 點樣開始 . . .

睇翻 Henry 同 Anne 點樣分開 . . .

好多情節已經忘記了, 原來 Henry 有這樣的陰影. . . 只可惜 Anne 不知道。

如果 Anne 知道, 故事就要改寫. . .

忘記了他們之後會否一齊, 好像是 Anne 離開. . . whatever la. . .

人就是這樣, 永遠做自己認為啱的事, 而去影響 /  決定別人的命運。

為的只是令自己感覺好 d . . .

實際上是否這樣??

何不大家傾傾呢?

可能有很多嘢都會改變了!!

Do you need me??

cathy 2007/08/23 23:55:17

有日在看妙手仁心, 聽到以下的對白:

男人對女人說: 你可以為我做很多事, 但係我從來唔覺得你需要我!

原來被需要的確是幸福的事, 只少可以找到存在價值, 靜靜咁諗o下自己, 好似從未覺得被需要, 工司多我一個唔多, 少我一個唔少, 日日做到咁夜咁又點, 我唔做, 大把人做.

屋企, 唔通真係等我D 家用開飯咩, 我又唔係比得多, 我O係屋企又點, 唔O係屋企又點, 有什麼影響

朋友, 不用說, 你們也有自己的生活, 自己的男/女朋友, 或許我只會阻礙你們的生活.

老實說, 日日朝9晚10 的生活很辛苦, 只有工作, 沒有生活, 時間對於我來說是沒有意義的, 但不用工作也不代表是生活, 因為都是無所事事, 有時間又什樣, 都是沒有意義的.  

我一宜都明白點解人會有輕生的念, 覺得自己可有可冇, 活著又什樣, 多一個唔多, 少一個唔少, 不要在世上浪費資源吧, 什麼<<活著多好>>, 真的感覺唔到有什麼好.

唉, 但生活還是要繼續..................

又係妙手仁心

阿莉 2007/08/23 13:50:07

已經不至一次講
近來最令我開懷的，竟然是每晚宣傳易後既 "妙手仁心"

其實我無晚晚追住睇，不過係星期二晚比我睇到henry搵到本書，知道邊個係NM...

昨晚一開頭當然bring in返少少佢地兩個既野... 結果中間全部都唔關henry事（不過幸好都唔係我討厭既程至
美），非常吊隱！不過最後又見到henry + annie... wowow... 好touching + sweet...

昨晚在睇完之後，我一直唸梗有咩方法可以擁有返  "妙手仁心" 三輯既copy... 當然最快捷就梗係去買啦... 不過三輯夾埋好貴... 可以種既我知道，不過我又唔想...

所以我決定由今晚開始... 係錄哂佢... 希望可以做到...
（因為我已經超過10年以上無咁錄電視連續劇... 呢個係一個好需要持續 恒心 + 記性 既事！）

之前播左既，我一定會搵方法得到... hohohoooo...

一點點戲味

余在春 2007/08/22 23:09:00

近來深夜時份，電視正重播幾年前(大約5年前)的劇集"妙手仁心"。這套劇創作班底其實和"壹號皇庭"原出一徹，只是故事背景由法庭改為醫院吧了。劇中的配樂，雖然不是原創，但我仍然很喜歡。雖然以前已看過了，但仍想再看，回味一下劇中各人一點點戲味。有空的話，不妨一看。

愛‧升華

安全隊長 日誌2007/08/22 18:59:42

尋日睇夜mama煲重播過n次既『妙手仁心』，

其中一幕係講一個上左年紀ge單身女醫生，見返以前曾經同佢拍過拖ge男人。

佢見到個男人一家人開開心心咁，自己都不其然好開心，

重同個朋友share話自己d感情升華左，見到自己愛ge人開心，重開心過同佢一齊。

睇完又進入自我空間，諗返前排o係街撞到以前個ex(學姐also)，

見佢同個李察基爾型型男(先生黎ka)一齊，佢仲好大方同我介紹係佢同事兼男友，

果下我又真係幾開心下，仲問佢地幾時結婚，不過之後d friend猛話我"押措"ar、唔抵得ar咁，

果時都唔知點形容比佢地聽好.....

不過而家終於有個新terms---->『升華』左喇原來，死未~~~~

hahahaha~~


妙手仁心.等待十年

Yusiumei 2007/08/22 01:52:10

剛剛睇完 '妙手仁心', 等咗咁耐, 終於等到 Henry 知道 N.M. 呢個約會. 即係話好快就講到 Henry 同 Annie 一齊. 仲記得想當年睇其中一集關於佢哋嘅劇情時, 我喊到劏豬咁 (係 Henry 帶咗個女人上咗 Annie 屋企 one night stand). 快啲到聽晚, 我要快啲睇呢套戲. 如果 Henry 十年前已經發現到 Annie 喺本書度留字約佢嘅話, 咁就唔駛行咁多冤枉路.

重播

hea 2007/08/21 12:05:48

星期日電視播一碌蔗，以前好似喺電視睇過，不過唔係好記得，睇多次.. 幾好笑，又幾sweet sweet.. 我鍾意睇啲sweet sweet嘅戲~

最近成日睇妙手仁心搞到好夜至瞓.. 經典嘅劇經典嘅歌，成十年前lu，當年勁煲.. 開始好鍾意蔡少芬，又鍾意當時嘅陳慧珊同湯盈盈.. 食唔完嘅零食盒！omg~

通常如果記得某齣舊戲或者某首舊歌嘅年份甚至月份，都係因為記得當時係乜嘢環境、同邊個人睇/聽.. 再聯想番啲回憶，得啖笑..

星期日又睇咗汪明荃個節目，播番少少我的野蠻奶奶.. 我冇睇過，好似幾好笑咁喎..


08/21/2007

O記 2007/08/21 01:20:37

呢幾日可以話過得好平靜安靜! 除了禮拜六做手術, 同埋尋日去覆診做物理治療之外, 只是不斷在家的睇書, 雖然有些唔舒服的感覺, 不過大致上已經給我預期中好得多....!! 總算可以令自己放鬆了....

睇電視重播的 ~ 妙手仁心, 其中劇情講到Jackie知道阿廣同左阿菁一齊, 問阿廣咩原因會一齊, 阿廣話因為大家互相需要大家, Jackie起初唔明, 阿廣話就好似我同你一齊既時候咁, 你可以為我做好多野, 但是我從來沒有覺得你有需要我的感覺! 明晒...., 兩個人走埋一齊未必完全因為愛, 最主要可能是大家感覺...感受到對對方既需要, 對方有對自己既需要, 所以知道....明白自己在對方心裡有存在價值!  


妙手仁心

julielam 8月25日

我心目中的小組:
十分喜歡妙手仁心一班人的傾計果種既感覺~
假如我地小組每一個人都能夠拿個心出黎分享
並且一起同善同悲, 一起共富貴, 一起共患難
一起持手真理活出基督豐盛的生命!

之前看第一次時, 已經很喜歡看,今次重播,總會看完才sleep~


妙手仁心

haylok 8月24日

睇緊無線重播既妙手仁心
岩岩講到, jackie 係亞paul 面前暈到, 第二日, paul 知道左jackie 既病
覺得, 好心"up"
jackie 原本想係個晚向paul表白，　點知比ｐａｕｌ　拒絕左，　
跟住個病又令到佢暈, 打退左佢想表白既目的
唉


林保怡和陳慧珊 令我失眠加劇

Luke Chu 週四, 八月 23. 2007

最近，生理機能處極高的戰鬥狀態，尤其是腦部，
像現在電腦網路一樣，不眠不休，7x24不停上載下載！

對於夜眠人，最好的莫過於翻煲電視劇，這個多月陪著我當然是鄧特希的
妙手仁心；而當中最出色的演出，就首推

Annie 和 Henry：林保怡 和陳慧珊的演出加上 對白的精妙，令我這夜眠人不禁在反翻咀嚼劇情，夜眠狀況更加嚴重。
作者: awdesq    时间: 2007-8-29 11:56 PM

妙手仁心VCD
作者：susan  2007/08/07 19:03:11

今日勁開心,因為我買咗妙手仁心隻VCD呀!
入面係咁的,都幾靓!


今日先在天使在人間睇到,原來呢篇係我寫的,係我個Blog到有寫,實在太開心
作者: 冷冷蛋蛋    时间: 2007-8-30 07:05 PM

巧咯
居然讨论区的作者能到这里来了
呵呵
羡慕你们在9年后的今天还能有追看剧集的事情可做
我是很久没试过了，除非地方台也放HH1。。。

妙手在9年后重播，还能让大家象新生婴儿样对待，每天追看，那么兴奋，那么“迫不及待”
让我这个HH1迷也觉得很幸福，好开心
哈哈！
作者: 清风细语    时间: 2007-9-2 04:54 PM     标题: 好感动！

今日有时间来仔细看了这里的妙手重播，那么多人对妙手的喜欢，让我觉得好感动的！好的作品真的是很有生命力，不管经过多少时间！经典就是经典啊！
作者: 诺诺will    时间: 2007-12-15 09:38 PM     标题: 天那~~你这vcd哪里买的啊。。我也想要啊~~

原帖由 Felin 于 2007-8-25 01:51 PM 发表
妙手仁心

chan_tai_man9 Blog 2007/08/24 14:07:01


之前講過壹號皇廷,今日都要寫下妙手仁心.講風格,仁心同皇廷都係圍繞專業人事發生的事,仁心竟更專業.做0西資料搜集...d救人情境,專業字眼用到足,好真實. ...



羡慕啊~~~~~~

欢迎发言 妙手港版碟现可从TVB网站上购买 但只向HK地区发货 需要有HK银行卡及收件地址
另 请参看站务区版规 本站不提倡简短回复 以免灌水之嫌 by 站务 Felin

[ 本帖最后由 Felin 于 2007-12-15 10:35 PM 编辑 ]
作者: suckyc    时间: 2008-9-8 10:45 PM

永远的最爱
最爱的妙手仁心
最爱的jackie



欢迎光临 天使在人间 (http://only.lfan.net/forum/) Powered by Discuz! 7.2