- UID
- 9
- 帖子
- 170
- 现金
- 4015 魔法币
- 存款
- 0 魔法币
- 阅读权限
- 20
- 注册时间
- 2004-6-12
|
7#
发表于 2005-1-3 06:21 PM
| 显示全部帖子
性格低調 黃德斌做真正演員(转自网易娱乐TVB明星联盟)
黃德斌身材高大又健碩,加入訓練班之前已是模特兒,入行至今十多年,他有《真情》的「越南」,以及不久之前《金枝慾孽》的「小祿子」角色,令觀眾留下深刻印象,但個人形象方面,緋聞不會搞、是非沒有他的份兒、搶鏡頭、叨光等,他全不會做,演出角色以外,他實在沒有甚麼事令人記得起。<採訪>Rita <攝影>Lloyd
娛樂圈五花八門,多講一句就變成是非,少講一句又會被孤立,像他這樣性格低調,無疑可以避免是非纏身,但卻比較輸蝕,黃德斌也清楚明白說:「好多人都咁講,我唔係刻意低調,只係覺得做演員就係演員,唔係要出風頭,當然咁係好矛盾,冇Noise冇新聞,未必咁容易俾人認識,但我真係唔識,亦唔會立亂,我比較集中工作,除咗埋位,我會留意拍攝運作,計商業角度、現實眼光我可能蝕底,不過好多嘢冇得強求、刻意,所以我冇強迫自己,我只會令自己演出可觀性,成為一位真正演員。」
由路人甲乙丙丁慢慢開始做起,黃德斌都遇到很多改進角色、自我嘗試機會,令自己更加進步,但期間他也曾猶豫及迷惘。「我都有諗過自己咁嘅性格好唔好,會跟同期嘅人比較,生活環境會係一個問題,始終咁大個人,都有考慮經濟因素。」在香港,要養活自己一個人不困難,已屆適婚年齡的他,雖然對生活要求不高,但希望建立一個家庭後,能支持整個家庭開支。
正面對人對事
「現階段我冇可能養活一個家,我有同人講叫佢唔好等,有路你就行,我自己都睇唔到自己將來,好冇安全感!」講得這樣灰,黃德斌承認當演員容易有情緒病,遇到工作不順利,很容易就胡思亂想,原來早兩年他懷疑自己有過情緒病,任何事都看得很負面,問題多到自己承受不了,經常問自己欠缺甚麼。「好彩多得班朋友,佢哋身上同講啲嘢,體會到我係唔應該咁諗,如果唔係就會死,依家佢哋個個都話我諗嘅方式唔同哂,正面咗好多,對人對事睇輕鬆,就會同人多啲溝通。」
照他這樣說,當日拍攝《金枝慾孽》,他應該更深刻體會到為求生存、出位,必須不擇手段,但他卻說:「拍嗰陣我哋一班演員只係一條心去拍好個劇,完全冇諗過出嚟會有咁啲效果,我係一個唔識耍手段啲人,所以我諗唔到呢啲嘢,如果要傷害人先得益,呢啲都唔係高手,所以我覺得思維最重要,就算負面思維都可以睇有冇可取之處,因為演員有機會演好人,都有機會演壞人,每個人都有特質,好處係清楚需要,現實就好難做到,做我都會笑自己。」
只求突破角色
黃德斌對工作有理想和熱誠,卻對自己的前景不樂觀,但他不相信世上有懷才不遇這回事。「我唔相信有材料會得唔到賞識,不過我信性格影響命運同際遇,仲有運氣,所以我已經不斷將自己性格改變,去符合工作需要。」入行十多年,他明白到無論怎樣出位,都只是一陣風,他希望將來比現在更好,都只是在角色方面被觀眾認同為專業演員,用家起用了他不會有損失,他相信能做到給大家信心這些基本條件,名與利自然會來。
------------------------------
转一贴我们家阿广的进来 转自网易娱乐TVB明星联盟 |
|